Araw ng Aktiviti

Sa kinahaba haba ng preparasyon para sa araw na ito sa wakas ay magsisimula na. Ang aktiviti ay nagsimula 8:00 ng umaga at natapos ito mga 5:00 ng hapon. Ang lahat ay abala sa kanya kanyang mga gawain para sa aktiviti. At ako ay naatasan sa pag aayos ng venue, ang librari. Matapos ang paghihintay ay sa wakas ay madaami rin ang nagpasa ng "Rawit Dawit at Tigsik". Pagkatapos ay inayos namin muli ang laybrari sa dati nitong pagkakaayos ng mga mesa at upuan at pagkatapos nito ay pumunta kami sa pavillion dahil mayroon ding ibang mga aktiviti na nagaganap sa araw na yun'.

Ang Aking Komposisiyon

" Kaibigan"

Kaibigan ko'y kakaiba
Kasama ko sa lungko't ligaya
Daig pa ang nanalo sa lotto kung tumawa
Minsan nga lang may problema.

Vincent, Joan, Mabel, Janel,Eva
Sama-sama kaming lima
Pagkain ng kahit ano'y di nagsasawa
Kulang na lang pati'y bulok kainin pa.

Sina Vincent at Joan ay matalino talaga.
Andito naman si janel na hilig ay komedya.
Si Mabel naman sa kantaha'y palaban.
Ako naman ang bida sa "wala lang".

Pagdating sa eskwelahan
Walang sawang kuwentuhan
Animo'y isang taon di nagkatagpuan.
Kwento rito, kwento riyan, ano na yan?

Sana'y di magbago
Pagsasamaha'y sa paaralan nabuo
Pagkakaibiga'y di maglalaho
Kahit gumuho pa ang mundo.

TRIBYA TUNGKOL SA EDUKASYON

Ayon kina Jefferson B. Pile, Madelaine Cruz, Jocelyn S. Angulo, Paul Bryan Santos at Babylyn Castillo na ang mga tao noong unang panahon ay lumikha ng mga kagamitan para sa pagbilang at pagsulat upang matulungan sila sa pagkalkula at makapagproseso ng datos. Subalit, ang mga kgamitamg ito ay hindi sapat upang makatulong sa kanila na makabilang at makasulat ng tamang-tama. Kaya't sila ay patuloy na naghanap ng lalong mabuti, mabilis at higit na wastong paraan sa paggawa ng kompyutasyon.

Isa sa pinakamalaking likha ng tao ay kompyuter. Ang kompyuter ang nagpakita ng katibayan at impluwensya sa lahat ng aspeto sa makabagong lipunan. Hindi maikakaila na ang kompyuter ang nakapagpabago ng pag-iisip ng bawat tao. Ang kompyuter ay napakahalaga sa larangan ng kalakalan at ito ay may pangunahing ginagampanan sa ating kasalukuyang lipunan.

Ang mga mananaliksik ay binigyang pansin ang kanilang pag-aaral ng panitikang Filipino.

Sa panimula ng edukasyon sa Pilipinas, ang Panitikan ay laging nakasama sa kurikulum ng paaralan. Bagamat ang empasis sa pampanitikan karanasan ng mga kabataan sa paaralan ay nagbabago sa bawat panahon, ang pangunahing gawain sa panitikan ay mahalagang sangkap sa edukasyon na mananatili.

Mayroong panlunas na kahalagahan ang panitikan na nararapat na kilalanin. Ang panitikan ang nagbibigay ng madamdaming emosyon sa pagbasa sa panulat ng ibang tao. Maraming tao ang nagagawang maiplano ang sarili para makatanggap ng tulong para sa kanilang problema. Narito sila upang maunawaan ang makataong kalikasan para matulungan ang problema na hindi naman naiiba.

Maaaring mawala ang mga yamang materyal at ang pagiging makabayan, subalit hindi ang panitikan. Ito ang isa sa likas na tumutulong sa tagumpay ng isang bansa at bawat bansa sa buong mundo.

Ang mga mananaliksik ay nagpasya na gumawa ng "interactive" na kaparaanan sa iba't-ibang panitikang Filipino sa pamamagitan ng paggamit ng internet. Ang pag-aaral nito ay naglalayon na makilala ng gumagamit ng iba't ibang panitikang Filipino kabilang ang mga parabula, bugtong, dula, salawikain, pabula, alamat, sanaysay, maikling kwento, atbp. Ang mga mananaliksik ang nagbibigay sa gumagamit ng madaling paraan at makakuha ng impormasyon sa paggamit ng internet.

Ang makabagong teknolohiya ang nanguna at higit na nakaimpluwensya sa buhay ng mga tao ngayon. Ang pagkokompyuter ng maraming gawain ay naging pangangailangan sa halos lahat ng larangan sa buong mundo para maabot ang mga kailangan ng mabilis sa paglago ng ating lipunan. Sa pamamagitan ng "World Wide Web", na kinikilala na pinanggagalingan ng impormasyon sa pangaraw-araw na makabagong lipunan. Matututklasan mo ang kahit na anong bagay sa buong mundo. Kaya, ang mga mananaliksik ay gumamit ng "Internet-based System" para sa mga taong interesadong higit na matutunan ang panitikang Filipino.

Inaasahan, na ang pag-aaral na ito ay magiging instrumento sa mga mambabasa lalung-lalo na sa mga Filipino na ipinagmamalaki ang kanilang kultura at pinagmulan.

Pang-apat na Araw

Bagong araw nanaman, Bago kami nagsimula ng talakayan gaya ng dati sabi ni sir na bago magsimula ang talakayan ay dapat mayroong magbibigay ng isang tribya at isang balita. Ngayon ang nagbigay ng tribya ay si Joan Jacobo at tungkol ito sa "Stomach Bug Treatment. At ang nagbigay naman ng balita ay si Merygen. Pagkatapos ay nagpatuloy na lang sa pagmiting tungkol sa magaganap na aktiviti day. Nagmiting ang aming presidente na si Edizon at ang buong klase.

Pangatlong Araw

Bago nagsimula ang klase, nagbigay muna ng tribya ang isa sa aking mga klasmeyt si Cyra Adote, tungkol ito sa "Patula", mga impormasyon tungkol sa patula. Nagbigay din ng bagong balita si Gherlyn Caceres. At dahilan sa di masyadong nagustuhan ni sir ang pagdeliver ng balita, binigyan kami ni sir ng format kung paano ang paggawa ng balita at ng tribya. Pagkatapos pagbigay ni sir ng format ay sinabi rin niya na magkakaroon kami ng aktiviti sa magaganap na aktiviti day at isa ang aming klase sa mga organayser. Ang aming aktiviti ay tungkol sa Literaturang Bikol. Ta isa dito ay ang paggawa ng rawit dawit at tigsik at maarami pang iba.

Pangalawang Araw

Ito ang pangalawang araw na pagpasok ni sir sa klase. At ipinagpatuloy ang reporting tungkol sa kantahing bayan at si sir ay nagbigay din ng halimbawa yung kantang "AKO BAGA IKOS" at binigay din na halimbawa ng mga reporter ang "Magtanim ay di Biro" at ang "paru-Parong Bukid. At ngayong araw din pinaalam sa amin ni sir na magkakaroon ng panunuluyan sa aming lugar sa Canaman at pinamagatan itong ''PANHARONG-HARONG" na gaganapin sa ika-12 ng Disyembre.

Unang Araw

Ang unang araw kung saan pumasok ang bago namin na guro na si Sir Irvin P. Sto Tomas. Unang araw kung saan tinuruan kami ni sir kung paano gumawa ng blog. At ngayong araw din kung saan binigay ni sir ang aming mga rekwayrment sa kanya. Nung una nanghihinayang ang mga klasmeyt ko sa paggawa ng isa sa mga ito,ang "Blog" pero nung nagtagal nagustuhan na namin ito, dahil nadagdagan pa ang aming kaalaman sa kompyuter.